Vodafone компани өөрийн цагаан өнгийн Nexus S смартфоныг ирэх сард худалдаанд гаргах гэж байна. 2010 оны сүүлээр Vodafone өөрийн Google Nexus S загварын смартфоныг үйлдвэрлэж, The Carphone Warehouse болон Best Buy-тай хамтран ажиллаж эхэлсэн бол одоо тансаг зэрэглэлийн чамин өнгө, дизайны шийдэлтэй Nexus S смартфоныг худалдаанд гаргахаар болжээ.

Шинэ загварын смартфон үнийн хувьд өмнөх загвараасаа ялгарахгүй байх ажээ. Гэхдээ Vodafone компани одоогоор Nexus S смартфоныг Их Британид худалдаанд хэзээ гаргах тодорхой товыг хараахан мэдээлээгүй ч, 2011 оны Дэлхийн хөдөлгөөнт холбооны чуулганаас өмнө худалдаанд гаргах тухайгаа мэдээлсэн байна.