Улаан нүдэн гаригийг шинжлэн судлахаар 2012 онд “Сониуч” нэртэй автомашины хэмжээтэй робот машин  илгээх гэж байна.  2.4 тэрбум  ам.долларын өртөгтэй уг төхөөрөмж одоогоор  НАСА-гийн  Ангараг гаригийг судлах шинжилгээний лабораторид  хөлд орж байгаа гэнэ.  Технологийн шинэ дэвшил болох уг машиныг судалгаа шинжилгээ хийх хамгийн орчин үеийн аргад тооцож байна.  Хоёр жилийн өмнө Улаан нүдэн гариг дээр буусан түр зуурын буулт нь эрдэмтдийг ийм машин хийхэд хүргэсэн аж. Уг робот машины  хүчин чадал өгүүлшгүй  бөгөөд гариг дээрх нэг өдрийн үйл явцын зургийг авч, дэлхий рүү илгээх аж.

Гэвч эрдэмтдийн тооцож буйгаар 2011 оны эцсээр төлөвлөж буй Ангараг руу хөөрөх “Сониуч”-ийн  аялалд нэлээд цаг хугацаа, мөнгө шаардагдах гэнэ.  Цөмийн цэнэглэгчийг “Сониуч” хөөрөхийн  дөнгөж өмнөхөн суурилуулах бөгөөд одоогоор зургаан моторт дугуй болон бусад төхөөрөмжүүдийг байрлуулж байгаа гэнэ.