Дэлхий дээр хамгийн олон хөгжөөн дэмжигч, фанаттай хөлбөмбөгийн спортын түүхэнд тодоор тэмдэглэн үлдсэн анхны дэлхийн аварга шалгаруулах тэмцээнд оролцож байсан хөлбөмбөгчдөөс цор ганцаар үлдээд байсан Аргентиний шигшээ багийн тоглогч асан Франциско Варалло 100 насандаа таалал төгсчээ. Анх 1930 онд Уругвай улсад анхдугаар дэлхийн цомын тэмцээн зохион байгуулагдаж байхад Варалло улсаа төлөөлөн оролцож байсан бөгөөд шигшээ тоглолт Монтевидео хотноо болоход Уругвай болон Аргентиний багууд хорондоо тоглож байсан юм. Тус тоглолтод Вараллогийн баг 4:2 харьцаатай нутгийн багт ялагдаж байсан түүхтэй.
Варалло хөлбөмбөгийн замналынхаа дийлэнхийг Аргентиний “Бока Хуниорс” багт өнгөрүүлж, 194 гоол оруулсан юм. Довтлогчийн байрлалд тоглодог байсан түүнийг дэндүү хүчирхэг цохилттой болохоор “Canoncito” гэж хочилдог байж.
Түүнийг 100 насны ойн баяраа тэмдэглэх үеэр FIFA-гийн албаны хүмүүс түүнтэй уулзаж, түүхэн тамирчинтай ярилцлага хийж байв. Тэрээр энэ үеэр 1990 оны дэлхийн аваргын финалд Уругвайд хожигдсон нь спортын замналынх нь хамгийн том ялагдал байсан талаар хүүрнэжээ. Валларо 30 хэдэн насандаа хадааст гутлаа ханандаа өлгөж, дасгалжуулагчийн ажилд өөрийгөө сорих болж, насан эцэслэх хүртлээ их спортдоо үнэнч хэвээр байв.

С.Цэлмэг