“Prison Teklogix” компанийн гар компьютерыг “Навиволд Монголиа” компани Монголд оруулж ирэн албан ёсны борлуулагчаар нь ажиллаж эхэллээ. Мэдээллийн технологийн 21-р зуунд ямарваа мэдээллийг хаанаас ч шуурхай хурдан хүлээж авах утасгүй сүлжээний технологи хэрэглээнд хүчтэй түрэн орж ирж байгаа билээ. Харин энэхүү гар компьютер нь  менежерүүд болон бизнес хэрэглэгчдийн хувьд олон төрлийн технологи боломжуудыг агуулсан гол багаж зэвсгээ болон, цаг мөнгөө хэмнэхэд нь туслах юм. Одоогийн байдлаар дөрвөн сая гаруй хүн 750 мянга гаруй ажлын талбарт “Prison Teklogix”  компанийн сүүлийн үеийн мэдээлэл технологийн шийдлүүдийг ашиглан холбогдож байна.  Гар компьютер нь дотроо 7530, 7535, Workabout Pro, Neo гэх мэт олон төрөл байна. Гар компьютерын давуу тал нь эрс тэс уур амьсгалд ажиллахад зориулсан, доргио, уналтад тэсвэртэй олон төрлийн программ техникийн шийдлүүдээр өвч тоноглосон байдаг гэнэ. Гар компьютер нь баркод уншигч, сканер, зургийн аппарат, RFID радио давтамжит танигч төхөөрөмж, богино долгионы станц, мэдрэгчтэй дэлгэц бүхий гарын үсэг, тэмдэглэгээ таних технологи зэргийг өөртөө агуулжээ. Энэхүү гар компьютер нь агуулах, тээвэрлэлт, уул уурхай, үйлдвэрлэл, шуудан холбоо, худалдаа үйлчилгээ гээд төрөл бүрийн салбарт зориулсан мэдээлэл, харилцаа холбоо, технологийн цогц шийдэл бүхий  хэрэгсэл юм.

Г.Даша