Дэлхий дээрх хамгийн баян хосуудын нэг Jay-Z, Beyonce нар бие биедээ тансаг, үнэтэй бэлгээр сюрприз барьдгаараа алдартай. Гэхдээ Jay-Z-гийн хувьд хайртынхаа нэгэн хүслийг хараахан биелүүлж амжаагүй байгаа бололтой. R&B хөгжмийн өнгө төрхийг тодорхойлогч дуучин Beyonce энэ сарын 4-нд 29 нас хүрэх бөгөөд хайрт нөхөр нь гэргийнхээ төрсөн өдрийн бэлгийг онцгой, хэзээ ч мартагдашгүй байх ёстой хэмээн үзэж байгаа гэнэ. Beyonce хэзээнээс дарвуулт завины “хоббитой” учир Jay-Z түүнд 4,2 сая ам.долларын үнэтэй тансаг зэрэглэлийн дарвуулт завь, мөн далайд аялах талаар хичээл заахаар төлөвлөөд байгаа аж. Уг дарвуулт завь нь одоогоор Монте Карлод байгаа гэнэ.

Дашрамд сонирхуулахад, хосууд өдгөө тансаг завь түрээслэн газрын дундад тэнгист аялж байгаа юм. Харин хувийн дарвуулт завьтай болсныхоо дараа дахин тансаг аялалд гарахаар төлөвлөсөн гэнэ.

С.Цэлмэг