Зөөврийн компьютерийн салбарт дээгүүр байрт жагсдаг MSI компани энтертайнмент хэрэглээнд зориулсан F серийн нөүтбүүкний хүрээгээ өргөжүүлж, шинээр FX610 загварын 15,6 инч хэмжээтэй лэптопоо танилцуулсан байна. AMD Phenom II гурван цөмт процессортой, ATI Radeon HD 5470 1GB график карттай, 8GB хүртэлх DDR2 RAM-тай, 500, 600 эсвэл 720GB багтаамжтай хатуу дискний сонголттой байх аж. Түүнчлэн DVD бичигчтэй, Windows 7 Home Premium үйлдлийн системтэй бөгөөд мультимедиа чиглэлийн зөөврийн компьютер учир өөр дээрээ вэб камертай, THX TruStudio Pro surround дуугаралтын технологи бүхий хоёр өсгөгчтэй, 802.11n Wi-Fi, Gigabit Ethernet LAN, Bluetooth болон хоёр USB оролт, eSATA/USB комбо оролт, таван төрлийн карт уншигч, HDMI болон VGA гаралтыг багтаажээ. Ирэх сараас эхлэн худалдаанд гарах FX610 лэптопны үнийн тухайд хараахан мэдээлээгүй байна.
С.Цэлмэг