В.А.Т: Намайг шүүмжилж байгаа нь атаархал | News.MN

В.А.Т: Намайг шүүмжилж байгаа нь атаархал

Хуучирсан мэдээ: 2010.04.07-нд нийтлэгдсэн

В.А.Т: Намайг шүүмжилж байгаа нь атаархал

Сүүлийн үед хүссэн бүхэн нь киночин болж, чанаргүй кино хаа сайгүй гарч байна гэсэн шүүмжлэл их болсон. Энэ их шүүмжлэл дунд бас нэгэн шинэ кино мэндэллээ. Мэргэжлийн бус киночдын эгнээнд энэ удаа хип хоп дуучин B.А.T орж ирэв. “100 хувь миний өөрийн уран бүтээл” гэж тодорхойлсон түүний шинэ киноны нээлт нөгөөдөр “Өргөө”, “Тэнгис”, “Соёмбо” театруудад болно. Түүний анхны киноны нэр “Аз ойрхон”. B.А.T-тэй товч ярилцсанаа хүргэе.

-Хип хопчин залуу яагаад гэнэтхэн кино руу орчихов оо? Яагаад “Аз ойрхон” гэдэг кино хийх болов? Энэ тухайгаар яриагаа эхлэх үү?
-Дуучин ВХ, бид хоёрын хамтарч дуулсан “Долоо хоног” гэдэг дуунаас энэ кино үүдэлтэй л дээ. Дуундаа клип хийх гээд зохиолоо дотроо бодоод компьютер дээрээ шивээд сууж байсан чинь л нэг мэдэхэд клипнээсээ хэтрээд кино зохиол болчихсон байсан. Тэгээд дараа нь найз нөхдөөрөө уншуулаад таньдаг хүмүүстээ хянуулж ярилцсаар байгаад сүүлдээ киноны зохиол болчихсон. Зохиолоо кино болгох гэж сүүлийн хоёр жил хичээж байсан ч хямрал таараад болж өгөхгүй байсаар сая өнгөрсөн 11 сард ашгүй  миний аз ойрхон байж, өөрийнхөө киноны спонсорыг олж авсан.
-Тэгээд ямар төрлийн кино юм бэ?
-Аction drama төрлийн кино. Яагаад action drama жанрын кино вэ гэвэл угаасаа драма төрлийн кино хүний амьдралын хэв маягийг харуулдаг ш дээ. Тэгээд миний энэ кинонд Улаанбаатар хотод дөрвөн өөр салбарт ажиллаж амьдардаг хүмүүсийн тухай гардаг. Баян ч хүн байна, ядуу ч хүн байна,  траншейнийх ч байна, энгийн панз үсэргэдэг хүмүүс ч байна. Тэр дундаа зүгээр л нэг хүний амиар тоглосон хүмүүс хүртэл байгаа.. Тэдний амьдралын төлөө тэмцэж байгаа тэмцэл нь өөр, өөр байдаг. Үүнийг би action гэж үзсэн. Иймээс action drama гэж нэрлэж байгаа.
-Киноны үйл явдлын тухай товч сонирхуулаач?
-Киноны үйл явдал ердөө тав хоног л өрнөнө. Энэ таван хоногт киноны баатрууд бүгд л азтай байж, өөрсдийнхөө олж авахыг хүссэн юм бүхнээ олж авдаг юм л даа. Жишээ нь, гудамжны хүүхдүүд орох оронтой болж, мөн хамтлаг байгуулах гэсэн хүсэлтэй гурван хип хоп залуу спонсортой болж бичлэгээ хийлгэн цомгоо гаргаад л… Ер нь бүгдэд аз ойрхон байх юм.
-Таныг энэ киноны найруулагчаар ажиллахдаа кино шүүмжлэгчдээс их олон шүүмж сонсч, сэтгэл гонсгор яваа гэж бичсэн байсан?
-Энэ кино бол миний найруулга, зохиолын хувьд анхны бие дааж хийж байгаа уран бүтээл. Яагаад хүмүүс намайг сэтгэл гонсгор гэж ярьсныг мэдэхгүй байна л даа. Надад гонсойгоод байсан юм алга. Өнөөдрийн байдлаар өөрийнхөө киног нээх гээд гурван кино театртай уулзаад завгүй явж байна гэдэг чинь би муу уран бүтээл хийсэн бол ичээд тэрийг гаргахгүй. Би өөрийнхөө уран бүтээлд сэтгэл хангалуун байгаа. Бүх найзыгаа кино нээлтэндээ урина, бүх кино найруулагчдыг ч гэсэн чадвал урихыг хичээнэ. Яахав тэгээд манай монголчууд ямар ард түмэн билээ дээ, нэг нь сайн явбал нөгөөдхийнхөө араас татаж байдаг, нэг нь сайн юм хийсэн бол тэрнийг муу гэж ярьж байдаг, нэг нь зөв бүтээл хийсэн бол тэрийг нь буруу болгож атаархаж байдаг, тэр зүйл маань ч гэсэн энэ кинон дээр харагдана байлгүй дээ. Өөрсдөө киногоо үзээд шүүг. Миний уран бүтээлийг үзчихээд муу байна гэвэл би хүлээж авна. Өнөөдрийн байдлаар миний киног үзсэн нэг ч хүн байхгүй байгаа учраас тэгж шүүмжилж байгааг нь атаархал л гэх байх даа.


-Киноны гол дүрүүдэд ямар хүмүүс тоглов? Жүжигчдээ хэрхэн сонгосон бэ?
-Мэргэжлийн болон мэргэжлийн бус жүжигчид холимог сонгосон. Ер нь бол манайхан киног сайн болгохын тулд хошин шог, драм, продакшнуудын жүжигчдийг авч тоглуулдаг. Энэ бол мэдээж нэгдүгээрт зөв, киног мэргэжлийн болгох үүднээс, гэхдээ манайх чинь цөөхөн ард түмэнтэй, цөөхөн жүжигчидтэй орон учраас нөгөө л киноны жүжигчид эргээд давтагдаад байхаар нэг киноны хэддүгээр анги нь гараад байнаа гэхээр болдог ш дээ, бараг. Тэгэхлээр тийм болгохгүйн тулд би өөр маягаар хийхийг хичээсэн. Миний кино олон гол дүртэй, 11, 12 гол дүртэй учраас би талыг нь мэргэжлийн болгоё, талыг нь мэргэжлийн бус гэх маягаар сонгосон. Жишээ нь, кинон дээр хамтлаг болох гээд үзэж байгаа гурван залуу байдаг, тэд киноны явцад хип хоп дуулна, хип хопоор үгээ зохионо, хип хопоор яриа, тухайн зан байдлыг нь жүжигчин хүн бол гаргаж чадахгүй, би бол зуун хувь мэдэж байна. Тэгэхээр Эби ирээд хип хоп гэхээр тийм ч зохицохгүй болахоор Эби баян залуугийн дүрд тоглуулж байгаа. Эрхэмээ бол төрийн хүн, тэгэнгүүт Хасар Жагаа ах гарч ирж байгаа, Жагаа ах болохоор зан байдлын хувьд наймаачны дүрийг, хип хоп залуучуудын дүрд яг хип хоп дуулдаг дуучин ТЖ, Болд, Оргил нар, эмэгтэйчүүдийн дүрийг бол би дахин давтагдахгүй дүр байлгахын хувьд хайж байгаад  азаар хоёр охин олсон. Урьд нь жүжигчин бэлтгэх дамжаанд явж байсан, кинонд огт тоглож байгаагүй шинэ дүр төрх болохуйц царайлаг, гоё биетэй, доргио хоёр охин олж чадсан. Ерөнхийдөө бол кинон дээр жүжигчдийг тухайн зан байдлаар сонгон авч тоглуулдаг шүү дээ. Жишээлбэл, Америкт дүрийг сонгохдоо тухайн жүжигчний зан байдлыг харгалзан ууртай бол ууртай дүрд, байлдаантай зодоонтой бол тэрүүгээр нь гэх мэтчилэн авч сонгодог. Брюс Уиллисийг хэзээ ч хайр дурлалтай, уян зөөлөн дүрд тоглуулдаггүй, дандаа л догшин ширүүн цагдаа эсвэл зодоончийн дүрд тоглуулдаг.
-Кино болсон дуундаа тэгээд клип хийлгэсэн үү?
-Ер нь бол энэ кинон дээр дуу нь орж ирдэг. Гэхдээ дуугаа клип болгож чадаагүй байгаа, би энэ дуундаа их хайртай, киногоороо дүрсжүүлнэ гэж бодож байгаа.
-Хип хопчиныхоо хувьд сүүлийн үед ямар уран бүтээл дээр ажиллаж байна?
-Киноныхоо нээлтийг хийх гэж байгаа учраас маш завгүй байна. Киноны ажил бол хүнийг нам дардаг тийм ажил юм байна. Тэр тусмаа хэрвээ би зөвхөн киноны зохиол бичээд хаячихсан байсан бол бас нэг өөр, хэрвээ би зөвхөн найруулагч хийж байсан бол бас өөр хэрэг. Эсвэл би киноны эвлүүлэгч байсан бол бас л өөр, энэ кинон дээр би бүх юмаа өөрөө хийсэн, зохиолоо бичээд, найруулаад, эвлүүлэг дээрээ хүртэл хамт ажилласан. Киноныхоо өнгийг хүртэл энэ өнгө таалагдахгүй байна энийг хийе гээд л. Ая, дуугаа хүртэл захиалаад хийлгэсэн ч гэсэн би өөрөө очоод хамт хийлцсэн. Энэ бол зуун хувь миний өөрийн уран бүтээл учраас надад өөр юм хийх зав байгаагүй ээ.
-Киноныхоо дараа та ямар ажил төлөвлөсөн байгаа вэ?
Энэ киноныхоо хоёрдугаар ангийг хийх бодолтой байгаа.
-Киноны реклам дээр нохой зодооны хэсэг гардаг юм билээ. Нохой зодооноор юуг үзүүлэх гэсэн юм бэ?
Энэ кинон дээр хамгийн их зардлыг нохой зодооны тайз засахад гаргасан. Киноны эхэнд зодолдуулдаг том, жижиг хоёр нохойны жижиг нь киноны зураг авалтанд орж зодолдоод, шархдаад дөрөв хоноод үхчихсэн. Харамсалтай. Энд зодолдсон нохойнуудыг “Мянган найз” нохойны дэлгүүрээс гаргасан. Тэр кинонд тоглож байгаад үхсэн нохойны хувьд нохой сонирхдог дэмждэг хүмүүсийн хувьд үнэхээр зодоонч, дайчин нохой байсан гэж ярьж байсан. Боксоор бол жингийн ялгаа гэж байдаг шиг том нохой яалт ч байхгүй доороо хийгээд идчихсэн. Энэ хэсгээс үзэгчид айдсыг мэдрэх байх. Нохой зодооноор хүн мөнгөний төлөө юу ч хийхээс буцдаггүй гэдэг
-Цаашдын уран бүтээлд чинь амжилт хүсье.

Г.Даша

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-04-07 202.170.68.70

амжилт хүсьеанхны удаа алдаа дутагдал байлгүй яахав

Avatar

Unshigch B 2010-04-07 203.91.114.3

za yronhiidoo ingej interneteer odor odriin medeeg damjuulj baigaa newsmn-iihandaa amjilt husey dajgui niitlel baina
yr n bol yaadiin ymar ch hun kino hiisen yaadiin be bi ch bas kino hiinee hehe

Avatar

Animal 2010-04-07 98.214.30.37

Fuck you BAT muthfucker dog fighting is illegal god will judge you ok muthfucker

Avatar

Зочин 2010-04-07 203.91.114.3

guie harin ch ene olon kinon dundaas l sain kino sain uran buteelch gariishd uzeechgui yum bj yun aimar muuldiin hmmmm

Avatar

nisdeg_melkhii 2010-04-07 202.70.33.204

mgl-n kino urlag buur utgaa aldjee

Avatar

Зочин 2010-04-07 202.170.69.70

haha

Avatar

ineedtei ym 2010-04-07 210.82.53.65

hachin ymaan sahal gargasan hachin s** chin odoo yu geed bgaa ym bechamd hen ataarhdagiingudamjnii hip hop batsaan chinchamaar mongoliin kino dutahguiingeel iimerhuu mergejiliin bus ymnuud mongoliin kinog gutaadag bhgui yu

Avatar

Зочин 2010-04-07 202.131.232.210

door bichsen 2 gar zailaa ene s** chine hudlaa gar shd kino n unen duh kino bgaadaa uzeeree nusan tag

Avatar

Аагий 2010-04-07 202.170.69.70

Амжилт хүсье Ямар ч гэсэн хийсэн зүйлтэй хүн Зөвхөн юм хийдэг хүн л шүүмжлүүлдэг гэдэг үг байдаг шүү дээ Юу ч хийдэггүй хүнд шүүмжлүүлэх ч зүйл үгүй Амжилт бүтээл сайн сайхныг хүсье Залуу хүн оргилуун эрч хүчтэй бүтээлч байх сайхан

Avatar

Зочин 2010-04-07 163.23.39.129

zalhyyrj bgaagvi ta naraas ilvv mungu bosgoj chadaad yum hiij chadaj bna shcc dee manaihniii ene zan vnen hetsvv yumaa

Avatar

Зочин 2010-04-07 202.131.232.210

ENE BAS NEG TENEG s** YU CH CHADAHGUI BAIJ HUDLAA NUSAN TAG GADAADAD SHAL UGAAJ YAVSAN s** SHD YOO ICHEJ AMIDRAASAI MANGAR s** MINE HUDLAA SHALDAN BANDI

Avatar

Зочин 2010-04-07 202.170.69.70

haha hutsdag durak ve hen enuuund ataarhah uu teneg yamaa

NewsMN Гар утасны хувилбар Татах
NEWS.mn

Мэдээллийн эх сурвалж