Антонио Бандерас мотоспортод хөл тавьжээ | News.MN

Антонио Бандерас мотоспортод хөл тавьжээ

Хуучирсан мэдээ: 2010.04.07-нд нийтлэгдсэн

Антонио Бандерас мотоспортод хөл тавьжээ

Холливудын жүжигчин Антонио Бандерас 2010 оны улиралд мотоспортын “Moto2” ангилалд өөрийн гэсэн багийг бий болгожээ. “Jack&Jones by Antonio Banderas” нэрээр уралдах уг баг нь мотоспортын элит ангилал болох “MotoGP” цувралын доод ангилал “Moto2”-т өрсөлдөх бөгөөд энэ сарын 11-нд эхлэх Катарын гараанд анх удаа уралдааны талбарт гарах гэнэ. Энэ улиралд “Jack&Jones” багийг Кенни Ноейс, Жоан Олив нар төлөөлөн уралдах ажээ.

Хэдийгээр Бандерас мотоцикльд дуртай нэгэн боловч анх удаагаа спортын бизнест хөл тавьж буй нь энэ юм. Тэрбээр шинэ бизнесийнхээ талаар “Дээд төвшинд хэрхэн уралдахаа мэддэг Жоан, Кенни нарын шилдэг тамирчдыг эгнээндээ багтаасан тийм л багт хөрөнгө оруулахыг хүссэн. Би бүхий л уралдааныг өөрийн биеэр очиж үзэхийг хичээх болно. Гэхдээ энэ нь миний ажлын цаг заваас ихээхэн шалтгаална л даа. Би бол мотоцикльд хайртай нэгэн. Сүүлийн хэдэн жил  үнэхээр үнэнч фен нь байлаа. Надад мотоциклийн спортын дотоод мөн чанарт нэвтрэх боломж олдсонд баяртай байна” хэмээн ярьжээ.

С.Цэлмэг

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж