Мьянмагийн парламент өнгөрсөн баасан гаригт ерөнхийлөгчөө сонгожээ. Хуучин Бирмын ерөнхийлөгчөөр 65 настай чөлөөний генерал Теин Сеин (Thein Sein) болсон байна. Тэрээр өмнө нь ерөнхий сайд байв.

Парламентын 659 гишүүний 408 нь түүний төлөө саналаа өгчээ. Чөлөөний генерал таван жилээр ерөнхийлөгч болов.

Мьянмагийн Энх тайван ба хөгжлийн улсын зөвлөлийг толгойлдог генерал Тан Швегийн дотны хүн гэж Теин Сеиныг нэрлэдэг.  Сеин  хунтын генералууд ба Тан Швед үнэнч хүн бөгөөд карьер нь цэргийн хунттай холбоотой гэж Agence France-Presse тэмдэглэв.