Өчигдөр шөнө Английн алдарт Уэмбли цэнгэлдэхэд талбайн эзэн “Гурван арслангууд” Унгарын шигшээ багтай нөхөрсөг тоглолтыг хийлээ. Уэмбли цэнгэлдэх 90 мянган хүний суудалтай ч ердөө 72 мянган л хөгжөөн дэмжигчид ирж тус тоглолтыг үзэж сонирхсон байна. Английн баг ДАШТ-нд үзүүлсэн муу амжилтынхаа дараа хийж анхны тоглолт нь энэ юм. Гараанд хаалгачаар Харт гарснаар түүний хувьд анх удаагаа шигшээ багийнхаа бүрэлдэхүүнд гараанд гарсан бол түүнтэй хамт Глен Жонсон, Жагиелка, Терри, Эшли Коүл, Барри, Лампард, Уолкотт, Жеррард, Адам Жонсон, Уэйн Рүүний нар гарчээ.  Эхний хагаст Английн баг 4-4-2, сүүлийн хагас хувилбараа өөрчилж 4-5-1 гэсэн хувилбараар тогложээ.
Эхний хагаст 2 баг гоолдож чадаагүй дууссан бол 2-р хагас эхлээд 18 минутын дараа Английн багийн хамгаалагчид алдаа гаргаж өөрийн хаалганд авто гоолыг оруулжээ. Энэ гоол хамгаалагч Жагиелкагаар овоглосон байна. Ерөнхийдөө Английн хамгаалагчид ДАШТ-нд олон алдаа гаргасан бол энэ удаад ч хаалгандаа өөрсдийн алдаанаас болж гоол алдаж байгаа нь энэ.
Гэвч тэдний алдааг Стивен Жеррард зассан юм. Тоглолтын 69 дэх минутанд 16 метрийн гаднаас шууд цохиж гоолдсоноор онооны харьцааг тэнцүүлсэн бол үүнээс ердөө 4 минутын дараачаар эсрэг багийн дөрвөн ч хамгаалагчийг хуурч 16 метрийн талбай дотор үнэхээр гайхалтай тоглолтыг үзүүлснээр тооны харьцааг 2-1 болгожээ. Ингэснээр 2-1 харьцаатай Стивен Жеррардын оруулсан гоолын дублын ачаар Английн баг Унгарыг талбай дээрээ хожсон байна.

Score Studio