Дөрвөн баг оролцсон таван тоглогчийг хамарсан солилцооны үр дүнд Хорнетс баг Трэвор Аризаг авсан учир тэдэнд жижиг довтлогчийн байрлалд байгаа тоглогчоо солилцоонд оруулах шаардлага гараад буй. Учир нь яг энэ байрлалд Пежа Стоякович, Трэвор Ариза дээр нэмэгдээд хамгаалалт сайтай, цагариган дээрээс довтлох үзүүлбэрийг хүчтэй хийдэг Жулиан Врайт гэх тоглогч байгаа бөгөөд Жэймс Поүсиг хэдийнээ Индиана Пэйсирсрүү илгээгээд байсан билээ. Харин тэд Жулиан Врайтыг Торонто Рапторсруу илгээж оронд нь Италийн шигшээ багийн мэргэн бууч Марко Бэлинеллиг авчээ. Врайт өнгөрсөн улиралд Хорнетс багт 68 тоглолтонд оролцсон байна. Энэ солилцоо манай багийн бүрэлдэхүүнийг илүү тэнцвэржүүлнэ гэж солилцооны дараа Рапторс багийн ерөнхийлөгч болоод ерөнхий менежер Брайн Коланжело хэлжээ. Жижиг довтлогчийн байрлалд Торонто дутмаг, харин хамгаалагч дээр нэлээд олон тоглогч гэж хэлж болох юм.