Дуучин Н.Гантулга 90 хол гарсан өвөө, эмээтэйгээ хамт амьдардаг болохоор ах дүү, найз нөхдийн хөлд дарагдаад шинийн нэгний өглөө зочин ихтэй байгаа гэнэ. Тэрбээр, “Монгол уламжлалыг хадгалсан энэ баярт маш их ач холбогдол өгдөг. Ах, дүү нарынхаа сайн сайхан явааг харж, амар байна уу гэж уулздаг ганц баяр” хэмээн баярын сэтгэгдлээ хуваалцав. 

Дуучин Н.Гантулга хэдийгээр хотод төрж өссөн ч багаасаа дээл өмсөх дуртай байсан гэдэг. Дээлнээс татгалздаггүй дуучин залуу энэ жилийн цагаан сараар шинэхэн захиалсан кашмеран дээл, малгайгаараа гоёж байгаа гэнэ.