Түүний ирээдүйн талаар олон мянган фэнүүд нь санаа зовж өдийг хүртэл ямар нэгэн багт очиж хуучин шигээ биш юм аа гэхэд багахан ч хамаагүй талбай дээр тоглохыг нь харах юмсан гэж хүлээж суугаа. Харин чих тавин хүлээсний эцэст орон нутгийн цагаар мягмар гарагийн орой Детройт түүнтэй нэг жилийн 1,3-н саяын гэрээг байгуулсан талаар АР мэдээллээ. 7-н удаагийн бүх одод НБА нүүр царай Т-Мак өнгөрсөн 2 улиралд Хюстон болон Нью Йорк-д нийлээд ердөө 65-хан тоглолтонд оролцсон нь түүний үнэ ханш рейтинг-ийг иймэрхүү болгосон гэхэд болно. Мэдээж өвдөгний бэртэл нь түүнийг удаан хугацааны турш чөдөрлөсөн юм. 31-настай довтлогчыг энэ зун Чикаго Буллз болон Детройт Пистонс багууд сонирхож байсан ч Бухнууд Кейт Богансыг авснаар нүүрээ буруулсан юм. Харин Детройт Пистонс Richard Hamilton болон Tayshaun Prince нарыг үнэ хүргэчих санаатай энэ зуны турш зарах гээд чадаагүй бөгөөд үүнийгээ улам баталгаатай болгохоор Т-Мак тай гэрээ хийсэн байж болох юм. Өнгөрсөн улиралд 8,2 оноог дунджилж байсан тэрээр эрх улиралд Пистонсын өмсгөлтэй үнэнч фэнүүдийнхээ өмнө гарч ирэх нь ээ.