Өнгөрсөн бямба гаригт 1794 онд бүтээгдсэн, үсээ задгай тавьсан эмэгтэйн дүрс бүхий мөнгөн зоосыг дуудлага худалдаагаар заржээ. Уг дуудлага худалдааг “Bowers and Merena“ дуудлага худалдааны компани зохион байгуулсан ба мөнгөн зоос 1,207,500 ам.долларын үнэ хүрч зарагдсан байна.

Зохион байгуулагчид уг зоосыг 750,000 ам.долларын үнэ хүрнэ хэмээн урьдчилан таамаглаж байсан ч ийнхүү өндөр үнээр зарагдсанд тун баяртай буйгаа илэрхийлсэн байна.

Мөн “Энэ бол түүхийн үнэт дурсгал. Бидний амьдарч буй одоо үеэс даруй 200 гаран жилийн тэртээх энэхүү бүтээл тухайн цаг үеийн олон түүхийг өөртөө агуулсан ховор нандин зүйл юм” хэмээн “Bowers and Merena“ компанийн гүйцэтгэх захирал Greg Roberts мэдэгдсэн байна.

Н.Наран