Наймдугаар сарын 2-ны мэдээгээр ОХУ-ын нутаг дэвсгэрт 7000 мянга орчим түймрийн голомт байгаа бөгөөд гал 500 мянган га газрыг түймэрдэж байна хэмээн "Интерфакс" агентлаг Онцгой байдлын яамны хямралын байдлын үндэсний төвийн тэргүүн Владимир Степановын ярианаас иш татан мэдээлсэн байна. ОБЯ өнгөрсөн 1-ний өдөр 114 мянган га талбай шатаж байна гэж мэдээлж байлаа.
Степановын мэдээгээр галд 34 хүн амиа алдсан байна. Өмнө нь 30 хүн үрэгдсэн гэж байлаа. Өнгөрсөн хоногт бид галаас 265 сууринг аварлаа. Мөн хүний амь үрэгдсэнгүй гэж тэр хэлэхдээ дахин дөрвөн хүн үрэгдсэн тоо ямар учиртайг тайлбарласангүй.
Наймдугаар сарын 2-ны өдөр гэхэд гал түймэртэй тэмцэж байгаа хүмүүсийн тоо ба техник 10 дахин нэмэгдсэн байлаа гэж Степанов хэлэв. Галын онцгой байдлыг Оросын 14 бүсэд тогтоогоод байна.