Америкийн ирээдүйтэй Sikorsky X2. нисдэг тэрэг хурдны дээд амжилт тогтоов. Sikorsky компанийн бүтээсэн Х2 нисдэг тэрэг өөрийн төрөлдөө хурдны дээд амжилт тогтоосон тухай Flightglobal мэдээлжээ. Туршилтын нислэгийн үер Х2 цагт 225 узел буюу 416,7 км-ын хурд үзүүлсэн байна. Гэвч туршилт дээр Олон улсын нисэхийн холбооны төлөөлөгч байгаагүй учир энэ дээд амжилт бүртгэгдэхгүй. Харин дараагийн нислэгт FAI-гийн  төлөөлөгчийг урих гэнэ.
Өдгөө FAI-гийн бүртгэлтэй нисдэг тэрэгний хурдны дээд амжилт нь 216 узел болж байна. Түүнийг 1986 онд AgustaWestland Lynx нисдэг тэрэг тогтоожээ. Америкчууд Х2-ын хурдыг ойрын хоёр сарын дотор 250 узелд хүргэх гэнэ.
Sikorsky  компанийн шинэ машин нь эсрэг тэсрэг эргэдэг дөрвөн далавчтай хоёр сэнстэй бөгөөд сүүл хэсэгт нь түлхэх зориулалтын зургаан далавчтай сэнстэй. Гурван сэнс нэг хөдөлгүүрээр ажилладаг. Sikorsky  нисдэг тэрэгнийхээ алсын нислэгийн зайг 1300 км, хурдыг нь цагт 480 км болгохоор төлөвлөжээ.