Дэлхийд алдартай Hilton зочид буудлын сүлжээ манай урд хөршийн нийслэл Бээжин хотын олон улсын нисэх онгоцны буудлын ойролцоо Хятад дахь анхны таван одтой, тансаг зэрэглэлийн зочид буудлаа нээжээ. Дэлхий дээрх хамгийн том нисэх онгоцны буудлын жагсаалтад дээгүүр байрт бичигддэг Бээжингийн олон улсын нисэх онгоцны буудлын шинээр баригдсан терминальтай тун ойролцоо орших Hilton зочид буудал Хятадыг зорин ирсэн олон хөлийн чинээлэг жуулчдыг соронзон мэт татах бололтой. Зочид буудал нийт 322 өрөөтэй, долоон ресторан болон бартай, бүрэн хэмжээний хоёр том бүжгийн талбайтай, 25 метр урт усан бассейнтай, бүрэн тоноглосон спа болон фитнес клубтэй, 32 хувийн хоолны өрөөтэй, 21 уулзалтын танхимтай гэнэ. Түүнчлэн зочид буудал доторх L хэлбэрийн 50 метр урттай бар нь Бээжин хотын хамгийн урт бар ажээ.

С.Цэлмэг