Өнөөдөр 15.00 цагт Их тэнгэр цогцолборт Women’s FIDE Grand Prix Ulaanbaatar 2010 буюу Эмэгтэй шатарчдын олон улсын өндөр зэрэглэлийн тэмцээн эхэллээ. Дэлхийн шатрын холбооны ерөнхийлөгч, ноён К.Н.Илюмжинов тэргүүтэй төлөөлөгчдийн айлчлалын үеэр Монголын шатрын холбооны ерөнхийлөгч С.Энхцаг Гран при тэмцээний эхний нүүдлийг хийж өгнө үү хэмээн хүсэлт тавьсаны дагуу УИХ-ын дарга Д.Дэмбэрэл өнөөдрийн тоглолтын салхийг хагалж Энэтхэгийн тоглогч Конеру Хампигийн эхний нүүдлийг хийлээ. Тэрээр ноёны өмнөх хүүг түлхэн шатрын сонгодог гараагаар эхэлсэн бөгөөд шатарчдад амжилт хүссэнээр тэмцээн албан ёсоор эхэллээ.