“Анод” банкны хад­га­ламж эзэмшигчдийг “Хад­галамж” банк руу шил­жүүлсэн тухай яриа хүмүүсийн анхаарлыг татаж байна. Энэ талаар хол­богдох албаныхнаас тод­рууллаа.    
                           
“Хадгаламж” банкны Хуулийн хэлтсийн захирал Ш.Энхтөр: НИЙТ 2.7 ТЭРБУМ ТӨГРӨГИЙН ХАДГАЛАМЖ ИРСЭН

-“Анод” банкны хэчнээн хадгаламж эзэмшигч танай банк­ны харилцагч болсон юм бэ?

-“Анод” банкны эрх хү­лээн авагч манай банктай то­хиролцож, актив пассив шил­жүүлэх албан ёсны гэ­рээ хийсэн. Үүний үндсэн дээр “Анод” банкны 10 га­руй мянган  хадгаламж эзэм­шигч манай банкаар үйлч­лүүлэхээр болсон.

-Анод банк олон сал­бар­тай байсан. Аль салбараар үйлчлүүлэгчид танай банк­ны үйлчилгээг авах бо­ломж­той вэ?

-“Анод” банкны Улаан­баатар хот болон Сайншанд, За­мын-Үүдийн салбарын хад­галамж эзэмшигчид манай үйл­чилгээг авах болно.

-Танай банк нийт хэдэн төг­рөгийн хадгаламж хү­лээн аваад байна вэ?

-“Анод” банкнаас 10 га­руй мянган хадгаламж эзэм­шигчийн нийт 2.7 тэрбум төг­рөгийн хадгаламжийг хү­лээн авсан. Тийм болохоор хадгаламж эзэмшигчид урьд нь ямар үйлчилгээ авч бай­сан, тэр бүх үйлчилгээгээ ма­най банкнаас авах юм гэлээ.

Харин “Анод” банкны зү­гээс тус банкинд цаг­даагийн байгууллагаар шал­гуулж байгаа хадгаламж эзэм­шигчдийн хадгаламжаас өөр зүйл үлдээгүй болохыг мэдэгдсэн. Хэрэв цагдаагийн байгууллага тэдгээр хад­га­ламж эзэмшигчийн гэм буруугүйг тогтоовол тэд­ний хадгаламжийг буцааж ол­гох санхүүжилт байгааг ч хэлж байлаа. Мөн “Анод”-ын хад­галамж эзэмшигчдийн мөн­гийг “Хадгаламж” бан­кинд шилжүүлсэн учрыг Мон­гол­банкнаас арилжааны бан­куудад санал тавихад “Хад­галамж” банк хамгийн сайн санал ирүүлсэнтэй холбож тайл­барласан юм.

Р.САРАНГОО

Зохиогчийн эрх:
 "Улс төрийн тойм" сонин