Бишкект Ерөнхий сайд асан баривчлагдав | News.MN

Бишкект Ерөнхий сайд асан баривчлагдав

Хуучирсан мэдээ: 2010.04.07-нд нийтлэгдсэн

Бишкект Ерөнхий сайд асан баривчлагдав

Киргизийн Ерөнхий сайд асан сөрөг хүчний социал-демократ намын лидер Атамбаевыг Бишкект баривчилсан тухай РИА Новости агентлагийн сурвалжлагч дамжуулжээ. Гэрч нарын яриагаар түүнийг Киргизийн нийслэлийн төв дэх гэрээс нь баривчилсан байна. Цагдаагийнхан  түүний гэрийг хэдэн цаг манаж сайн дураараа гарч ирэхийг түүнд санал болгож байсан гэнэ. Улстөрчийг цагдаагийн машинд суулган харуулын машинуудыг дагалдуулан авч явсан байна. Хүний эрхийн төлөө тэмцэгч Токтаим Уметалиева гэдэг эмэгтэй Атамбаевыг аюулаас хамгаалах албанд аваачин Талас дахь үймээний талаар байцаалт авах гэж байна хэмээн хэлэв. Хуулийн байгууллагад дуудахын оронд тусгай ангийнханыг явуулж байгаа нь хачирхалтай гэж тэрээр онцолж байна. Атамбаевын хамт  "Стан ТВ" телевизийн сурвалжлагчийг барьсан байна. Сурвалжлагч түүнээс ярилцлага авч байжээ.
Дашрамд дурьдахад, Киргизийн Талас хотод дөрөвдүгээр сарын 6-нд үймээн гарч эхэлжээ. Сөрөг хүчнийхэн мужийн төвийн захиргааны дэргэд цугларч өөрсдийн хүнийг хотын захирагчаар сонгох альтернатив сонгууль явуулсан юм. Тэднийг нулимас асгаруулах хий хэрэглэн тараасан байна. Гэхдээ орой тийш сөрөг хүчнийхэн уг байрнаас хүчнийхэнийг хөөн байрыг эзэлсэн байв. Талас дахь үймээн сөрөг хүчнийхэний төлөвлөөд байгаа тус орны янз бүрийн газар хуралдай зарласнаас нэг хоногийн өмнө болжээ. Сөрөг хүчин эрх баригчдад шаардлагууд тавьж эс биелүүлбээс тус оронд жинхэнэ ардын засаг тогтооно гэж амласан байв. Тэдний шаардлага дотор Ерөнхийлөгчийн хүү толгойлдог Хөрөнгө оруулалт ба инновацийн агентлагийг татан буулгах мөн Ерөнхийлөгчийн ах дүү нарыг албан тушаалуудаас нь халахыг  зэрэг оржээ. РИА Новости агентлагийн мэдээлснээр дөрөвдүгээр сарын 6-ний орой гэхэд Ард түмний нэгдсэн хөдөлгөөний бүх лидерүүдийг барин саатуулсан байна.

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж