Засгийн газрын хэрэгжүүлэгч агентлаг Биеийн тамир, спортын газар, Монголын жүдо бөхийн холбооноос хамтран манай улсад хоёр дахь жилдээ зохион байгуулсан “Чингис хаан-2010 дэлхийн цом”-ын тэмцээн өчигдөр өндөрлөлөө. Тэмцээнд дэлхийн 19 орны 156 жүдоч зодоглосон юм. Монгол улсын Ерөнхийлөгч Ц.Элбэгдоржийн ивээл дор зохион байгуулсан тус тэмцээнд оролцохоор олимпийн наадмын медальтай дөрөв, дэлхийн аварга шалгаруулах тэмцээний алт, мөнгө, хүрэл медальтай 20 орчим тамирчин манай улсад хүрэлцэн иржээ.
Тодруулбал, Дэлхийн аварга шалгаруулах тэмцээний алт, хүрэл медальт, олимпийн наадмын гурван удаагийн аварга Японы жүдоч Тадахиро Номура /60 кг/, Дэлхийн залуучуудын аваргын хошой аварга, Чехийн жүдоч Лукас Крпалек /-100 кг/, Бээжингийн олимпийн наадмын мөнгөн медальт, БНАСАУ-ын тамирчин Ань Кум-аи /52 кг/, Дэлхийн аваргын хошой алт, хошой хүрэл медальт, Ираны жүдоч Араш Миресмаейли /66 кг/, Залуучуудын дэлхийн аваргын хүрэл медальт, Японы тамирчин Ямамото Норихидэ /90 кг/, Залуучуудын дэлхийн аварга, насанд хүрэгчдийн дэлхийн аваргын хүрэл медальт, Японы Юүка Нишида /52 кг/, Дэлхийн аваргын хүрэл медальт, БНСУ-ын бөх Ань Жон-хуан /66 кг/, Залуучуудын дэлхийн аварга БНСУ-ын тамирчин Ким Вон-жун /73 кг/, Бээжингийн олимпийн мөнгөн медальт, дэлхийн аваргын хүрэл, залуучуудын дэлхийн аваргын алтан медальт, БНСУ-ын бөх Ким Жаэ-бум /81 кг/, 2003 оны дэлхийн аварга, Афины олимпийн наадмын тавдугаар байрын шагналт, БНСУ-ын жүдоч Хван Хи-тэ /-100 кг/, “Бээжин-2008” наадмын хүрэл, дэлхийн аваргын хүрэл медальт, БНСУ-ын Жон Гён-ми /-78 кг/, Залуучууд, насанд хүрэгчдийн дэлхийн аваргын хүрэл медальт, Польшийн тамирчин Эйтель Грзегорз /+100 кг/, Залуучуудын дэлхийн аваргын мөнгөн медальт, Украйны бөх Ирина Кинзерска /+78 кг/ нар энэ удаагийн “Дэлхийн цом”-ын тэмцээнд оролцжээ.

“Дэлхийн цом”-ын тэмцээний медальтнууд

Манай тамирчид энэ удаагийн тэмцээнээс 5 aлт, 3 мөнгө, 12 xүрэл медаль хүртсэн бол 10 жүдоч шагналт 5-р байр, 13 тамирчин долдугаар байр тус тус эзэлжээ. Тавдугаар байрын тамирчид олимпийн эрхийн оноондоо 20 оноо нэмэх бол долдугаар байр эзэлсэн жүдочид 16 оноо нэмжээ.

Эрэгтэй 60 кг:

Алт: Д.Төмөрхүлэг /Монгол/
Мөнгө: Тадахиро Номура /Япон/
Хүрэл: Д.Амартүвшин /Монгол/
Хүрэл: Такеши Мацүки /Япон/

Эрэгтэй 66 кг:

Алт: Х.Цагаанбаатар
Мөнгө: С.Мияарагчаа
Хүрэл: Б.Хишигбаяр
Хүрэл: Шого Маэно /Япон/

Эрэгтэй 73 кг:

Алт: Г.Пүрэвдорж /Монгол/
Мөнгө: Майкл Элдред /АНУ/
Хүрэл: Г.Одбаяр /Монгол/
Хүрэл: С.Ням-Очир /Монгол/

Эрэгтэй 80 кг:

Алт: Ким Жае-бум /БНСУ/
Мөнгө: Азамат Сидаков /ОХУ/
Хүрэл: Ласло Чоконай /Унгар/
Хүрэл: О.Ууганбаатар /Монгол/

Эрэгтэй 91 кг:

Алт: Квон Ён-ву /БНСУ/
Мөнгө: Самир Гучапшев /ОХУ/
Хүрэл: Э.Энхбат /Монгол/
Хүрэл: Алемнар Кассачмев /Казахстан/

Эрэгтэй -100 кг:

Алт: Н.Түвшинбаяр /Монгол/
Мөнгө: Б.Тэмүүлэн /Монгол/
Хүрэл: Э.Тулга /Монгол/
Хүрэл: Роман Полосин /ОХУ/

Эрэгтэй +100 кг:

Алт: Грзегорз Эйтел /Польш/
Мөнгө: Сослан Бостанов /ОХУ/
Хүрэл: Аслан Камбиев /ОХУ/
Хүрэл: Ким Сү-вхан /БНСУ/

Эмэгтэй 48 кг:

Алт: Харуна Асами /Япон/
Мөнгө: Чун Жун-ён /БНСУ/
Хүрэл: Б.Бат-Эрдэнэ /Монгол/
Хүрэл: Хван Рюү-ок /БНАСАУ/

Эмэгтэй 52 кг:

Алт: Юүка Нишида /Япон/
Мөнгө: М.Бундмаа /Монгол/
Хүрэл: Ань Кум-аэ /БНАСАУ/
Хүрэл: Ким Кюн-ок /БНСУ/

Эмэгтэй 57 кг:

Алт: Ким Жан-ди /БНСУ/
Мөнгө: Рим Юүн-хуи /БНАСАУ/
Хүрэл: Со Ми /БНСУ/
Хүрэл: Т.Баттөгс /Монгол/

Эмэгтэй 63 кг:

Алт: Ц.Мөнхзаяа /Монгол/
Мөнгө: Кун Жа-ён /БНСУ/
Хүрэл: Ким Сү-гён /БНАСАУ/
Хүрэл: Муцүми Мацүока /Япон/

Эмэгтэй 70 кг:

Алт: Хван Е-сүл /БНСУ/
Мөнгө: Пак Ка-ён /БНСУ/
Хүрэл: Юүка Илда /Япон/
Хүрэл: Ц.Наранжаргал /Монгол/

Эмэгтэй -78 кг:
Алт: Катерин Жакиес /Бельги/
Мөнгө: Жён Гён-ми /БНСУ/
Хүрэл: П.Лхамдэгд /Монгол/
Хүрэл: Галия Улментаева /Казахстан/

Эмэгтэй +78 кг:

Алт: И Жун-юн /БНСУ/
Мөнгө: Ким На-юун /БНСУ/
Хүрэл: Д.Цэрэнханд /Монгол/
Хүрэл: Ирина Кинзерска /Украйн/