“TV Cocktail” хамтлагийн ганц наран гийсэн, үзэсгэлэнтэй бүсгүй болох жүжигчин Цэнд-Аюушт Өөскө, Цоомоо хоёр дурласан болов уу? Кинон дээр ч, хошин шог дээр ч байнга л Аюуштаа дурлаж байдаг энэ хоёр залуу арай амьдрал дээр ч гэсэн хайртай юм биш биз. Тус хамтлагийнхан таван жилийн ойдоо зориулж бие даасан нэгэн инээдмийн уран сайхны кино хийж байгаа.

Өмнө нь “Сайн уу, амьдрал минь” кинон дээр Цоомоо аскорбины хүчил ууж амиа хорлох дээрээ тултал Аюушт дурлаж байсан. Тэгвэл энэ удаагийн кино нь дээрээ Өөскө Аюушт дурлах уу, эсвэл хоёулаа дурлаж хайрын гурвалжин үүсэх юм болов уу. Ямартай ч хариултыг ирэх намар нээлтээ хийх тэдний шинэ киноноос харах боломжтой аж.