Мэргэжлийн сумо бөхийн нагоя башёгийн зургаа дахь өдрийн барилдаанд их аварга Хакухо М.Даваажаргал анх удаа комүсүби цолтой барилдаж буй Хакуба А.Өнөржаргалтай барилдахаар оноолт таарчээ. Их аваргын хувьд таван даваатай зуун хувийн амжилттай барилдаж байгаа бол Хакуба саньяаюү цолонд хүрснээсээ хойш өчигдөр анхны даваагаа авсан билээ.

Өнөөдрийн барилдаанд озэки Харумафүжи Д.Бямбадорж Оросын сумоч Арантай барилдах бол баруун жигүүрийн маэгаширагийн тэргүүн бөх Асасэкирюү Б.Дашням сэкиваки Кисэносатотой барилдах юм. Манай бусад бөхчүүдийн тухайд Кёкүтэнхо Н.Цэвэгням /М3/ озэки Котоошютай, Токитэнкү А.Хүчитбаатар /М3/ Какизоэтэй, Токүсэгава Б.Ганболд /М7/ Китатайкитай тус тус учраа тааран барилдана. Мөн өнөөдрийн барилдаанд Шотэнро Д.Нямсүрэн /М16/ Кимураяматай, Тамаваши Б.Мөнх-Оргил /М14/ Сагацүкасатай барилдах бол Какурюү М.Ананд /М6/, Моконами Г.Базарсад /М10/ нарын манай хоёр сумоч хоорондоо барилдахаар оноолт таарсан байна.

С.Цэлмэг