Америк дахь T-Mobile Dell-ийн Streak 7 таблетийг 450 ам.долларын үнэтэйгээр АНУ-ын зах зээлд өнөөдрөөс худалдаалж эхэллээ. Энэхүү таблет нь Dell-ийн гаргаж буй хоёр дахь таблет бөгөөд Streak 7-ийн өмнөх загвар нь харьцангуй овор багатай буюу 5 инчийн дэлгэцтэй байжээ.

Харин Streak 7 таблет нь 7 инчийн дэлгэцтэй болж, T-Mobile-ийн 4G мобайл сүлжээнд холбогдох боломжтой болсон байна. Түүнчлэн энэ удаагийн загварыг ч өмнөхтэй нь мөн адил Google Android үйлдлийн системд тулгуурлан бүтээсэн бөгөөд дуал кор Tegra 2 процессортой болж, 5 мегапикселийн зураг авдаг болон 1,3 мегапикселийн видео дуудлагад зориулсан хоёр төрлийн камертай болжээ.