УИХ-ын хаврын чуулганыг өндөрлүүллээ. Отгон хуралдаанд нийт 52 гишүүн оролцож, Үндсэн хуулийн цэцийн 04 дүгээр дүгнэлтийг авч хэлэлцэн шийдвэрлэснээр УИХ-ын хаврын чуулганыг өндөрлүүлсэн юм.
Чуулганыг хааж, УИХ-ын дарга Д.Дэмбэрэл хэлсэн үгэндээ хэдийгээр парламент хаврын чуулганы хугацаанд хэлэлцэн шийдвэрлэхээр төлөвлөсөн ажлынхаа 65 хувийг биелүүлсэн ч гэлээ Тавантолгойн төсөл, Төмөр замын талаар төрөөс баримтлах бодлого, Шинэ бүтээн байгуулалт гээд улс орны хөгжил дэвшлийг урагшлуулах, ард түмний ахуй амьдралыг дээшлүүлэх, үндэсний аж ахуйн нэгжүүдээ дэмжих олон чухал шийдвэрийг гаргасан болохыг онцлон тэмдэглэв.

Г.Дарь