Саяхан Онц их хурлаа хийсэн МАХН-ын удирдлагад ҮШН, Монголын ардчилсан хөдөлгөөний намынхан өнөөдөр баяр хүргэлээ. ҮШН-ын дарга Ц.Цолмон, дэд дарга Н.Батцэрэг, Ардчилсан хөдөлгөөний намын дарга Т.Оюунаа, зөвлөх Л.Эрдэнэтуул болон баяр хүргэхээр ирсэн бусад хүмүүсийг  МАХН-ын дарга Н.Энхбаяр, дэд дарга Ц.Шинэбаяр, ерөнхий нарийн бичгийн дарга Н.Удвал, нарийн бичгийн дарга Л.Цог нар хүлээн авч санал солилцсон юм. Тэд Монголын улс төрд гурав дахь хүчний гэхээсээ илүү цоо шинэ хүчний орон зай байна гээд хамтарч ажиллах талаар ярилцлаа.

Монголын ардчилсан хөдөлгөөний намын гишүүн, ардчилсан хувьсгалын анхдагч П.Нэргүй, Г.Бошигт, ахмад дипломатч Т.Чимэддорж нар МАХН-д баяр хүргэснийг намын дарга нь уламжиллаа.