ОХУ-ын Засгийн газрын тэргүүн Владимир Путин “тагнуулын” дуулиан Орос, Америкийн хоорондын харилцаанд нөлөөлөхгүй гэж найдаж байна. Тэрээр энэ санаагаа АНУ-ын ерөнхийлөгч асан Билл Клинтоныг хүлээн авахдаа хэлжээ.

Ерөнхий сайд шоглоом болгон “Клинтон та Москвад айлчлах хугацаагаа их сайхан тааруулжээ. Учир нь одоо Америкт “цагдаа нар даварч, хүмүүсийг шоронд суулгаж байна” гэж хэлэв. “Энэ бүгд нь сүүлийн үед манай хоёр орны харилцаанд гарсан нааштай хандлагад  хохирол учруулахгүй гэдэгт найдаж байна. Орос-Америкийн харилцааг дээдэлж байгаа хүмүүс үүнийг сайн олгоно гэдэгт итгэж байна” хэмээн Путин хэлсэн байна.  Түүний хэлснээр хоёр орны харилцаа нэн ялангуяа эдийн засгийн салбар  “ер нь муу бишээр” хөгжиж байгаа ажээ.