Лондонгийн “Арсенал” клуб Польш гаралтай боловч Франц улсад төрж өссөн залуу хамгаалагчтай олон жилийн гэрээ байгуулсан байна. Хоёр талынхан ямар үнээр гэрээ хийсэн нь тодорхойгүй байгаа боловч экспертүүд 10 сая фунт стерлинг гэж тооцож байгаа юм. 24 нсатай шинэхэн хамгаалагчийн талаар Арсен Венгер “Бид тун хүчирхэг залуу хамгаалагчийг сонгон авч чадсан, тэр шалгуурт хурдан хугацаанд тэнцсэн” гэжээ.
 Лорен Коссэлни Францын Тулла хотноо төрсөн, Польш гаралтай тоглогч бөгөөд одоогоор аль улсын шигшээд багт тоглохоо шийдээгүй байгаа ч аль ч улсын шигшээд өндөр чадвартай тоглох боломжтой гэж яригдаж байгаа юм. Филипп Сэндэросыг “Фулхэм”-д зарсан, Силвэстэр, Галлас нар хөгширсөн энэ цаг үед Лорен Коссэлни “Их буучид”-ын хамгаалалтын ирээдүй болох учиртай. Тэрбээр олонд төдийлөн танил бус, Францын 2-р лигийн “Лориент” клубт тоглож байгаад дэлхийн шилдэг клубын эгнээнд нэгдэж байгаа нь энэ юм. Энэ наймаа “Их буучид”-ын энэ жил хийсэн хоёр дахь наймаа болж байгаа бөгөөд дэлхийн аваргын өмнөхөн тус клуб мөн Францын лигээс залуу довтлогч Мауранэ Шамахыг эгнээндээ нэгтгэсэн билээ.