Хямралын дараах үед дотоодын арилжааны банкууд дээр чөлөөт эх үүсвэр ихээхэн хэмжээгээр төвлөрсөн байна. Энэ хөрөнгийг төлөвлөөд байгаа хөрөнгө оруулалтад ашиглах, эдийн засаг руу үр ашигтай байдлаар оруулах хамгийн үр ашигтай хувилбар нь Засгийн газрын дунд болон урт хугацааны үнэт цаас гаргах явдал гэнэ. Энэ нь олон улсын зах зээл дээр үнэт цаас гаргахаас хялбар, мөн гадаад өрийн дарамтыг багасгах, илүүдэл эх үүсвэрийг эргэлтэд оруулан эдийн засгийн өсөлтийг хангах, мөнгөний болон сангийн бодлогын эдийн засгийн уялдаа холбоог сайжруулах давуу талуудтай болно. Засгийн газрын үнэт цаасыг гаргах техникийн асуудалд Монголбанк Сангийн яаманд туслан ажиллахаар тохиров.
Мөн мөнгө угаах, терроризмийг санхүүжүүлэхтэй тэмцэх тухай хуулийн хүрээнд Монголбанк, Санхүүгийн зохицуулах хороо хамтран Банк бус санхүүгийн байгууллагуудад хяналт шалгалт хийх, мэдээлэл харилцан солилцох үйл ажиллагааг эрчимжүүлэхээр тогтжээ.