Хамгийн сайхан залуу гэгдэх болсон 25 настай Португалийн хөлбөмбөгийн од Cristiano Ronaldo “Armani Jeans”-ийн 2010/2011 оны хавар, зуны нүүр царайгаар сонгогджээ. Тэрбээр өмнө нь мөн “Emporio Armani”-гийн дотуур хувцсасны нүүр царай болж байсан билээ. “Armani Jeans”-ын шинэ коллекцийн зар сурталчилгааны эхний зураг авалтыг Мадрид хотод хийхээр болсон байна.
Мөн Нью-Йорк, Лондон, Токио, Парис зэрэг хотуудад зар сурталчилгааны арга хэмжээгээ зохион байгуулах аж.
"Тэр бол залуу хүний эрч хүч, хүсэл мөрөөдлийн бэлэг тэмдэг болсон чадварлаг залуу. Манай брэндийн жинс ч залуу стильтэй, чөлөөтэй цоглог загвартай. Тиймээс төгс Ronaldo-г зар сурталчилгааны нүүр царайгаараа сонгосон нь хамгийн зөв шийдэл" хэмээн Giorge Armani ярьсан байна.

Н.Наран