Гадаад оронд цагаачлахаар эх орноосоо явсан гей мисс М.Энхриймаагийн талаарх элдэв яриа үргэлжилсээр л байна. Саяхан түүний блогоор зочилж байгаад нэгэн сонирхолтой зураг харлаа. “Ингээд Жавхлангийн эхнэр болчвоо” гэсэн гарчиг дор дуучин С.Жавхлан Энхриймаа хоёрын хуримын зураг байх юм. Энхриймаагийн гаргасан “Хоёр сүнстэн” хэмээх шүлгийн номыг нь дуучин Жавхлан санхүүжүүлсэн гэх яриа ч гадуур байдаг. Харин Энхриймаа энэ бүх цуу яриаг үгүйсгэн, өөрийнхөө хөдөлмөрөөр номоо гаргасан гэж хэдэнтээ хэлж байсан. Харин хүмүүс энэ үгийг нь хүлээж аваагүй бололтой.

Блог бичигчид Энхриймаа, Жавхлан хоёрыг photoshop ашиглан хуримаа хийж буйгаар эвлүүлэн интернэтэд байрлуулжээ. Энэ талаар гей мисс М.Энхриймаа блогтоо “Жавхлан бид хоёрыг гэрлүүлчихэж. Эвлүүлэг энэ тэрээ жаахан эв хавгүй хийсэн ч сүрхий сэтгэсэн байна. Харж, уншиж, ойрд инээгээгүйгээрээ л инээлээ. Гэхдээ би лав ийм царай муутай нөхөртэй болохгүй ээ, арай ч дээ хэхэ. Бас биднийг холбохоо болио” гэж бичжээ. 

М.Анир