“Black Eyed Peas” хамтлаг аялан тоглолтын кино хийхээр болжээ. Харин энэхүү киног Холливуудын нэрт найруулагч James Cameron найруулах аж. Тэрбээр хамтлагийн шүтэн бишрэгчдэд жинхэнэ “амьд” кино хүргэнэ хэмээн ярьсан бөгөөд 3D технологиор хийх аж.
Харин энэ талаар  “Black Eyed Peas” хамтлагийн дуучин Will.I.Am “Бид дэлхийн хэмжээний том хамтлаг. Тиймээс мөн л дэлхийн хэмжээний найруулагчаар киногоо хийлгэх нь зүй ёсны хэрэг. Бид Ази, Африк гээд бүх тивээр аялж, тоглолтоо хийж буй мэт энэхүү кино хийгдэх юм. Та нүдний шилээ зүүгээд бидэнтэй хамт аялахад бэлдэж байгаарай” хэмээн ярьсан байна.

Н.Наран