Өнгөрсөн баасан гаригт эх орондоо ирсэн “Sweetymotion” хамтлагийн бүсгүйчүүд монголчууддаа зориулан “Sweetymotion” хэмээх цомгоо авчирсан. Тэдний шинэ цомог ирэх сарын 4-нөөс худалдаанд гарах аж. Түүнчлэн хамтлагийнхан төрийн дууллаа өөрсдийн стильд оруулан дуулсан нь тун удахгүй үзэгчдийн хүртээл болох гэнэ. Учир нь “Sweetymotion” хамтлагийнхан “Төрийн дуулал”-д клип хийлгэхээр “V” студитэй хамтран ажиллаж байгаа аж. Тэд клипний зураг авалтын ажилдаа орсон бөгөөд шинэ цомогт багтсан бүх дуундаа клип хийлгэх төлөвлөгөөтэй байгаа гэнэ. Сонирхуулахад “Төрийн дуулал”-ын бас нэгэн шинэ хувилбар удахгүй мэндлэх гэнэ. Удахгүй болох улсын их баяр наадмыг тохиолдуулан рок поп, ардын болон сонгодог урлагийн дуучид хамтран “Төрийн дуулал”-ыг дуулахаар болжээ.

М.АНИР