Дуурь бүжгийн эрдмийн театрын энэ жилийн сүүлчийн тоглолтууд ирэх амралтын өдөр болно. Ирэх аравдугаар сар хүртэл амрах Дуурь бүжгийн эрдмийн театрын уран бүтээлчид ирэх бямба гаригт алдарт Дж.Вердийн “Трубадур” дуурийг тайзнаа дахин амилуулахаар зэхэж байна.
“Трубадур” дуурийг удирдаач, урлагийн гавьяат зүтгэлтэн Ж.Бүрэнбэх удирдах бөгөөд Ди Лунад баритон Ц.Баттөр /соёлын тэргүүний ажилтан/, Леонорад сопрано Б.Цэцгээ /Ардын жүжигчин/, Азученад сопрано А.Долгор /Ардын жүжигчин/, Манрикод тенор Ч.Түмэндэмбэрэл /соёлын тэргүүний ажитан/, Феррандод басс Ч.Чинзориг, Инест сопрано Д.Туяа /соёлын тэргүүний ажилтан/, Рюицд тенор Г.Шижирболд, өвгөн цыганд басс Э.Бумхүү, мэдээ хүргэгчид тенор Г.Шижирболд нар тус, тус тоглох юм байна.

М.Дөл