Шинэ үеийн 4G гар утас үйлдвэрлэгчид үнээ харьцангуй өөр өөрөөр тогтоож байна. Motorola өөрийн шинэ загвар болох Atrix 4G смартфоноо Америкийн гар утасны зах зээлд 150 ам.доллараар үнэлж байгаа бол HTC өөрийн Inspire 4G смартфоноо ердөө 100 ам.доллараар үнэлжээ. Ингэснээр тэдний хооронд өрсөлдөөн улам ширүүсч байна.

Motorola Atrix 4G нь 1Ghz-ээр ажилладаг дуал кор процессортой бөгөөд Mozilla Firefox 3.6 браузераар вэбэд байгаа төрөл бүрийн график, хөдөлгөөнт дүрс, видеог Adobe® Flash® Player-ийг үзэх боломжтой, нэг үгээр хэлбэл энэхүү загвар нь нэтбүүкийн үүргийг гүйцэтгэж чадахаар дэлхийн хамгийн хүчирхэг мөртлөө хямд үнэтэй шинэ төрлийн смартфон болж чаджээ.

Харин HTC Inspire 4G нь 4,3 инчийн дэлгэц, 8 мегапикселийн камертай бөгөөд 4G хурдаар дуртай кино, спортын хөтөлбөр, энтертайнмент шоу нэвтрүүлгээ хүлээн авч үзэх боломжийг бүрдүүлж өгснөөрөө онцлогтой юм.