Монголын рок, попын загалмайлсан эцэг “Харанга” хамтлагийн голт зүрх нь болсон дуучин Х.Лхагвасүрэнгийн оролцох амьд хөгжмийн наадмыг бид тун удахгүй үзэх боломжтой боллоо. Долдугаар сарын 4-нд Соёлын төв өргөөнд болох “Найзууд аа нааш ир” “Харанга”-ын Лхагваатай, амьд хөгжмийн тоглолтыг “Lemon”, “New star”  студи хамтран зохион байгуулж, Монголын рок, поп, амьд хөгжмийн төлөөлөл болсон шилдэг хамтлаг, дуучдыг хамтатган урьжээ.

“Харанга”-ын Лхагваагаар тэргүүлүүлсэн амьд хөгжмийн наадамд “A-Sound”, “Lemons”, “Fire”, “Нисванис”, “Булсара” хамтлаг болон альтернатив дуучин Х.Отгоо, Б.Солонго нар оролцож, нэгэн үдшийг  амь хөгжмийн хэмнэл дор өнгөрүүлэх нь ээ. “Харанга”-ын Лхагваагийн дууг сонсдог, түүний тоглолтыг тэсэн ядан хүлээж байсан  олон мянган үзэгч, фенүүдийнхээ хүлээлтийг эцэслэн тэрбээр ийнхүү “Соёлын төв өргөө”-ний тайзнаа залуу хамтлаг, дуучидтай гарч ирэхээр шийджээ. 

Г.Даша