УИХ-аас Банкны тухай хуулийн шинэчилсэн най­руул­гын төслийг 2010 оны нэг­дүгээр сарын 28-нд баталсан. Хэдэн он дамжин хэлэлцэж баталсан гэхэд хэрэгжиж ам­­жаагүй шахам “Үндсэн хуу­­лийн цэц рүү марш” гэ­хэд хүрэв. Үндсэн хуулийн цэц нэр бүхий иргэний ирүүл­сэн мэдээллийн дагуу мар­гаан хянан шийдвэрлэх ажил­ла­гаа үүсгэсэн бөгөөд уг мар­гаа­ныг хянан шийдвэрлэх дунд суудлын хуралдааныг энэ сарын 30-нд нээлттэй хийхээр товложээ. Үндсэн хууль зөрчиж байна хэмээсэн иргэдийн мэдээлэлд дурьдагд­сан Банкны тухай хуулийн хол­богдох зүйл, заалтуудын талаар сонирхлоо.

36.4.Аливаа этгээд дан­гаар болон холбогдох этгээдийн хамт Монголбанкны зөвшөөрөлгүйгээр нөлөө бүхий хувьцаа эзэмшигч болсон нь хяналт шал­галтаар тогтоогдсон, эсвэл энэхүү хуулийн 36.12-т заасныг зөрчсөн бол уг этгээдийн тухайн хувьцааны саналын болон ноогдол ашиг авах эрхийг түдгэлзүүлж, хувьцааг сүүлд авсан дарааллаар 30 хоногт багтаан хуульд заасан хязгаарлалтад хүрэх хэмжээнд алба­дан худалдахыг Мон­гол­­банк шаардах бө­гөөд Монголбанкны зөв­шөө­рөлгүйгээр хувьцаа, хувь­цаанд хамаарах үнэт цаас нэмж гарган худалдсан бол зөвшөөрөл аваагүй хувьцааны  тоонд ноогдох хэмжээг банкны өөрийн хөрөнгөөс хасч тооцно.

36.11.Энэхүү хуулийн 22 дугаар зүйлд заасны дагуу байгуулагдсан банкны хувьцааг Монголбанк зөв­шөөрснөөс бусад этгээдэд худалдахыг хориглоно.

36.12.Банкны саналын эрхтэй нөлөө бүхий хувьцаа эзэмшигч, түүний холбогдох этгээд өөр банкны саналын эрхтэй нөлөө бүхий хувьцаа эзэмшигч байхыг хориглоно.

57.2.Банкинд бүтцийн өөрчлөлт хийх нь албадан татан буулгаснаас нэ­хэмжлэгчдийн нэхэмжлэлийн шаардлагыг илүү хэмжээгээр хянах боломжтой гэж үзвэл Монголбанк тухайн банкинд бүтцийн өөрчлөлт хийх тухай шийдвэр гаргаж төлөвлөгөө гаргана.

57.3.Банкинд бүтцийн өөрчлөлт хийх тухай төлөв­лөгөө батлах боломжгүй гэж үзсэн, эсвэл энэ хуу­лийн 57.2-т заасны дагуу Мон­голбанкны шийдвэр гарснаас хойш зургаан сарын дотор банкинд бүтцийн өөрчлөлт хийх төлөвлөгөө амжилтгүй хэрэгжсэн то­хиол­долд Мон­голбанк нь банкийг албадан татан буулгах шийд­вэр гаргана.

Үндсэн хуультай зөр­чилдсөн гэх уг заалтуудыг харахад мөнөөх л бүтцийн өөрчлөлттэй нягт холбоотой ажээ. Гэхдээ Засгийн газарт өргөн барихаар зэхэж буй “Банкны салбарт бүтцийн өөрч­лөлт хийх, дахин хөрөн­гөжүүлэх” төслийн үндэс суурь болсон уг хуульд болж өгвөл зарим банкны хаал­гыг бариулчих, хувьцаа эзэмшигчдийг хатуу диктатурт барих гэсэн санаа нь илт цухалзаж байна. Болж өгвөл “Албадан татан буулгана”, “Бүтцийн өөрчлөлт хийнэ” гэсэн дарамт ханхлуулсан энэ хууль ардчилсан пар­ла­ментын хаагуур нь батлагдчихав аа.