Өнөөдөр үдээс хойш товлогдсон Хууль зүйн байнгын хорооны хуралдааны дараа Хүний эрхийн дэд хорооны хуралдаан үргэлжлэн хуралдах юм.   Дэд хороогоор Монгол Улс дахь Хүний эрх, эрх чөлөөний байдлын талаарх Хүний эрхийн Үндэсний Комиссын 2008 оны илтгэлийн “2008 оны 7 дугаар сарын 01-ний өдөр Нийслэл Улаанбаатар хотод үүссэн олон нийтийн эмх замбараагүй байдал ба Хүний эрх” гэсэн Нэгдүгээр бүлгийг Хүний эрхийн дэд хорооны хуралдаанаар хэлэлцүүлэх үүрэг бүхий Ажлын хэсгийн санал, дүгнэлтийг танилцуулахаар болсон байна. Ажлын хэсгээс УИХ, Засгийн газар, Цагдаагийн байгууллагад хандсан зөвлөмжүүдийг гаргахаар болоод байгаа аж.