Их, дээд сургуульд элсэх элсэлтийн ерөнхий шалгалтын бүртгэл ирэх сарын 7-ноос дөрөвдүгээр сарын 22-ны хооронд бүртгэхээр болжээ. Өмнөх жилүүдэд хоёрдугаар сарын 1-нээс дөрөвдүгээр сарын 15-ны хооронд бүртгэдэг байсан ч сар шинийн баяр давхацсан тул долоо хоногоор хойшлуулсан байна. Улаанбаатар хот, Дархан-Уул, Орхон аймгийнхан Боловсролын үнэлгээний төвд онлайнаар бүртгүүлэх бол бусад аймгуудын сурагчид албан ёсоор бүртгэл зохион байгуулах аж. Өнгөрсөн жил 39 мянга 728 сурагч элсэлтийн шалгалт өгч байжээ.
С.Отгон