Даваа гаригийн шөнө болсон Гондурас болон Испанийн багийн тоглолт 2:0 харьцаатай Европын аваргуудын ялалтаар өндөрлөсөн билээ. Тоглолтын үеэр Фернандо Торрест гоолын завшаан нэг бус удаа тохиосон ч Испанийн шигшээ багийн “Алтан жаал” гоолдож чадаагүй бөгөөд тэрбээр тоглолтын дараа дэлхийн аваргын тоглолтын бөмбөг “Jabulani”-г шүүмжилжээ. Торрес “Би хувьдаа дэлхийн аваргын дэвжээнд гарсандаа баяртай байгаа. Гэхдээ бид энэ Jabulani бөмбөгөөр арай илүү бэлтгэл, дасгал хийх ёстой юм шиг байна. Учир нь бөмбөгнөөс болж бидэнд багагүй асуудал үүсч байна” гэжээ.