Сар шинийн баярыг угтан энэ сарын 27, 28-ны өдрүүдэд Хадгаламж банкнаас Баянзүрх дүүргийн 1, 3-р хорооны 1200 орчим ахмад настнуудыг хүлээн авч, хүндэтгэл үзүүллээ. Энэхүү арга хэмжээний үеэр Хадгаламж банкнаас гаргаж буй шинэ үйлчилгээ болох хүний хөгжил сангийн мөнгө болон бусад халамж, тэтгэвэр, тэтгэмжийг виза картаар олгох үйлчилгээний талаар танилцуулга хийж, нийт ахмадуудад үнэгүй карт нээж өгсөн ба банкны гарын бэлгээр баярынх нь ширээг мялаалаа. 

Хадгаламж банкны виза карттай болсноор хүний хөгжил сангийн мөнгө, тэтгэвэр тэтгэмж зэргийг өөрийн нэрийн данс, картандаа шилжүүлэн авч болохоос гадна орон сууц, цахилгаан, СӨХ, кабель, интернэт суурин болон гар утас зэрэг хэрэглээний төлбөрүүдээ картнаасаа шууд төлөх боломжтой юм. Энэхүү цогц үйлчилгээнд хамрагдахын тулд та гэртээ юм уу ажлынхаа аль ойрхон байдаг Хадгаламж банкны салбар дээр иргэний үнэмлэх, холбогдох халамжийн дэвтэртэйгээ очоод Картаа үнэ төлбөргүй аваарай.