Агаарын бохирдлын төлбөрийн тухай болон Агаарын тухай хуулийн шинэчилсэн найруулгын төслийг дагалдан өргөн мэдүүлэгдсэн Байгаль орчныг хамгаалах тухай хуульд нэмэлт оруулах тухай, Автотээврийн болон өөрөө явагч тээврийн хэрэгслийн албан татварын тухай хуульд өөрчлөлт оруулах тухай, Онцгой албан татварын тухай хуульд нэмэлт оруулах тухай, Замын хөдөлгөөний аюулгүй байдлын тухай хуульд өөрчлөлт оруулах тухай, Засгийн газрын тусгай сангийн тухай хуульд нэмэлт оруулах тухай, Хууль хүчингүй болсонд тооцох тухай, Татварын ерөнхий хуульд нэмэлт, өөрчлөлт оруулах тухай, Монгол Улсын нэгдсэн төсвийн тухай хуульд нэмэлт оруулах тухай хуулийн төслүүдийн анхны хэлэлцүүлгийг нээлттэйгээр хийж эхэллээ.

Хуулийн төслийн хэлэлцүүлэг “хууль зүйн техникийн хувьд муу бичигдсэн байна” гэх шүүмжлэлээр эхэллээ. Энэ хуулийн төслөөр агаарын бохирдлыг бууруулах үйл ажиллагаанд аж ахуй нэгжүүдэд илүү их анхаарал хандуулснаараа онцлогтой юм. Дээрхи хуулийн төслүүдэд өөрчлөлт хийхийг гишүүдийн олонхи нь дэмжлээ.