“Х-Арт” продакшны уран бүтээлчид өсвөр үеийнхэнд зориулсан “Цэвдэг ертөнц” жүжгээрээ үзэгч олонд бэлэг барьж буй. Энэхүү жүжгийн зохиолыг тус продакшны уран бүтээлч, гавьяат жүжигчин Д.Цэрэндарьзав бичжээ. Уг жүжигт хар тамхи, хүний наймаа зэрэг сүүлийн үед олны анхаарлыг татаж буй томоохон хэргүүдийн тухай хөндсөн бөгөөд бодит амьдралаас сэдэвлэсэн гэнэ. Жүжгийн нээлтийг ирэх есдүгээр сард хичээлийн шинэ жилд зориулан томоохон хэмжээний тоглолтоор  хийхээр төлөвлөөд байгаа аж. Нэмж сонирхуулахад, “Цэвдэг ертөнц” жүжгийг тус продакшны уран бүтээлчид Нийслэлийн цагдаагийн газрын ОНХХ-ийн захиалгаар бүтээж байгаа гэнэ.

Б.Анхаа