НҮБ-ын Ерөнхий нарийн бичгийн дарга ноён Бан Ги Мун Сьерра Леон улсад үүрэг гүйцэтгэж байгаа Монгол Улсын энхийг сахиулагчидтай уулзжээ. Энэ зургадугаар сарын 14-ний өдрийн 16.00-16.45 цагийн хооронд ноён Бан Ги Мун  бусад төлөөлөгчдийн хамт Сьерра Леон улсын тусгай шүүхэд ажлын айлчлал хийсэн байна. Ноён Бан Ги Муныг Сьерра Леон улсад үүрэг гүйцэтгэж байгаа Монголын есдүгээр ээлжийн цэр­гийн багийн хүндэт харуул жагсан хүлээн авч хүндэтгэл үзүүлжээ.

Ноён Бан Ги Мун Сьерра Леон улсад үүрэг гүйцэтгэж байгаа Монгол Улсын зэвсэгт хүчний цэргийн албан хаагчидтай уулзаж, дурсгалын зураг татуулсан байна. Уулзалтын үеэр ноён Бан Ги  Мүн монгол дайчдын тэсвэр хатуужил, сахилга бат, дасан зохицох чадвар бусад орны цэргүүдээс эрс ялгаа­тай байж, энхийн төлөөх үйлсэд нэр төр­тэй хүчин зүтгэж үүргээ амжилттай гүйцэтгэж байгаад НҮБ-ийн зүгээс талархаж явдгаа дурджээ. Манай зэвсэгт хүчний нэгдүгээр ээлж 2006 онд тус улсад үүрэг гүйцэтгэж байх хугацаанд НҮБ-ын тэргүүн Кофи Аннан айлчлалынхаа хөтөлбөрт Мон­голын цэргийн багийнхантай уулзах цаг гаргаж өгөхийг хүсч байсан аж. Энэ удаа ч дэлхийн дарга гэгд­дэг НҮБ-ын Ерөнхий нарийн бич­гийн дарга ноён Бан Ги Мун Сьерра Леон ул­сад айлчлахдаа Монголын цэргийн багийнханд Онц дүн тавьсанбайна.

Сьерра Леон улсад өнгөрсөн хуга­цаанд Монголоос  найман ээлжинд 2000 цэргийн алба хаагч үүрэг гүйцэтгэн өдгөө есдүгээр ээлжийн 150 цэргийн албан хаагч үүргээ нэр төртэй гүйцэтгэж байгааг дэлхийн дарга өндрөөр үнэлжээ.

 Д.ОЮУН