Африкийн Холбооны арванзургаа дахь удаагийн дээд хэмжээний чуулга уулзалт Этиопийн нийслэл Аддис Абаба хотноо ням гаригт нээлтээ хийсэн бөгөөд уг уулзалтанд Африкийн орнуудын удирдагчид цугларан, Африк тивийн энх тайван, аюулгүй, тогтвортой байдлын талаар хэлэлцэх гэж байна.

Энэ удаагийн чуулга уулзалт нь “Цогц санаа бодлын үндсэн дээр нэгдэн нийлэхийн төлөө” гэсэн уриан дор явагдаж Кот д’Иворын улс төрийн хямрал, Тунис болон Египетэд үүсээд байгаа нийгмийн тогтворгүй байдал, Судан дахь бүх нийтийн санал асуулгын дараах сэргээн босголтын үйл явц, Сомалийн улам доройтож буй нөхцөл байдлын талаар тус тус хэлэлцэх болно.