“Өргөө” кино театр нь нэг жилийнхээ ойн хүрээнд дөрөвдүгээр сарын 10-наас эхлэн зургадугаар сарын 1-нийг хүртэл урд нь гарч байсан кинонуудыг 2000 төгрөгөөр болгож, авсан тасалбар бүрт азтанг тодруулж байсан. Супер азтан Холливууд явж, “The Karate Kid” киноны дэлхийн нээлт үзэх байсан. Тэгвэл энэ сарын 1-нд Холливууд явах азтанууд тодорч “The Karate Kid” киноны нээлтийг Холливуудад явж үзэхээр өнөөдөр нисэх гэж байна. Харин Монголын үзэгчид тус киног энэ сарын 18-наас эхлэн “Өргөө” кино театрт үзэх боломжтой. Тус кино нь Холливуудад нэлээдгүй шуугианыг тарьж байгаа бөгөөд гол дүрд домогт  Jakie Chan болон Will Smith-ийн хүү Jaden Smith тоглож байгаа аж.

Кинонд 12 настай Dre нь АНУ-ын Detroit хотдоо нилээд алдаршсан нэгэн байсан бөгөөд ээжийнх нь сүүлчийн карьерын нүүдэл нь Хятадад газардсан юм. Тэрбээр Хятадын нийслэл Бээжин хот руу шилжин шинэ орсон ангийнхаа Mei Ying-д сайн болно. Гэхдээ тэд ёс заншлын хувьд өөр учраас бага зэрэг төвөгтэй, боломжгүй мэт байлаа.  Бүр цаашлаад  ангидаа дайсантай болсон нь Cheng юм. Кунфугийн нутаг оронд Dre  түүний дайсан болох Cheng-аар шоглуулж шахагдаж , газар мэдэхгүй танихгүй хотод байхад хэцүү байсан боловч сан техникийн засварчин ноён Han-тай уулзсанаар түүний амьдралын хэв маягт нилээд өөрчлөлт гарсан гэж хэлж болно. Ноён Han  түүнд кунфу бол зодож цохилцох биш харин  яаж сэтгэлээрээ тайван байх, хүчээ тэнцвэржүүлэх арга барил болох, мөнхүү энэ урлагийн талаар зааж сургаснаар тэрээр дээрэлхүү хүмүүстэй тэмцэх ёстой гэдгийг ухаарсан үйл явдлууд өрнөдөг.

Энэхүү кино нь 1984 онд бүтээгдсэн бөгөөд дахин сэргээж  хийсэн нь энэ аж.