Оскарын шагналт нэрт жүжигчин Halle Berry өөрийн нэрийн гурав дахь сүрчгээ ирэх хоёрдугаар сард худалдаанд гаргах болсон тухайгаа мэдээлжээ. Энэхүү бизнес ашиг өндөртэй байдаг учраас нэр алдарт хүрсэн бүх л алдартнууд сүрчигтэй болдог жишиг тогтоод байгаа.
Энэхүү томоохон бизнесийн анхдагчуудын нэг тэрбээр “Reveal” нэртэй гурав дахь сүрчгээ “Энэ бол төгс баланс. Гэгээлэг, шинэлэг. Үүнийг хэрэглэснээр та өөрийгөө бусдад нээж, өөрийнхөөрөө байх итгэлийг олж авна” хэмээн рекламдсан байна.
Алтан шаргал өнгөтэй, босоо хэлбэртэй шилэнд савлагдан худалдаанд гарах уг сүрчиг 17 долларын үнэтэй байх аж.