Мэдрэгчтэй дэлгэц бүхий В7722 загварын гар утас нь Samsung корпорацийн танилцуулсан хоёр SIM картны оролттой шинэ загварын гар утас юм. Хоёр SIM картны нэг нь 3G сүлжээнд ажиллах бөгөөд 3,2 инчийн WQVGA мэдрэгчтэй дэлгэцтэй, 5.0 мегапиксель камертай, Wi-Fi, Bluetooth холболт болон FM радиотой ажээ. SIM картны хоёр оролтод хоёуланд нь GSM системийн карт тохирох бөгөөд зөвхөн нэг нь л 3G сүлжээг дэмжиж ажиллах гэнэ. 420 еврогийн үнээр худалдаалагдах Samsung B7722 энэ сарын сүүлээр Европын орнуудад худалдаалагдаж эхлэх юм байна.