Долдугаар сарын 1-ны хэргийг сэргээн шалгах болсон нь хууль зөрчсөн үйлдэл гэж яллагдагчаар татагдсан  цагдаагийн алба хаагч нар  УИХ-ын даргад хандан захидал илгээжээ. Төрийн эрх барих дээд байгууллагад хандсан захидалдаа  “ Улсын ерөнхий прокурорын дэргэдэх Мөрдөн байцаах албанынхан хэргийг шалгахдаа нэг талыг барьсан, цагдаагийн албан хаагчид буудсан гэдэг таамаглалаар шалгасан, эрүүгийн байцаан шийтгэх хууль зөрчсөн тул анхаарлаа хандуулна уу” гэж хүсчээ. Уг хэрэгт ЦЕГ-ын даргын үүрэг гүйцэтгэгч асан, хошууч генерал Ч.Амарболд, нийслэлийн Цагдаагийн газрын дарга, хурандаа  Д.Зоригт, Хэв журмын хэлтсийн дарга асан, хурандаа Ш.Батсүх нар ч холбогдсон юм.