“Гэр хорооллын барилгажилт” хадгаламж зээлийн хоршооноос хураагдсан 701 сая төгрөгийн үнэ бүхий үл хөдлөх хөрөнгө, барилга байгууламжийг төрийн өмчид бүртгэн авах шийдвэрийг өчигдөр Төрийн өмчийн хорооноос гаргажээ. Ц.Түмэнгэрэл агсны толгойлж байсан “Гэр хорооллын барилгажилт” хадгаламж зээлийн хоршооны эд хөрөнгийг өнгөрсөн хугацаанд шүүхийн шийдвэрээр хурааж, дуудлага худалдаа зарласан ч  худалдан авагч олдоогүй юм байна. Талийгаач агсны “Гэр хорооллын барилгажилт” ХЗХ-ны үүсгэсэн хохирлын 90 хувь нь арав гаруй Хадгаламж зээлийн хоршоонд ногддог байна. Тэдний хохирлын 10 хувийг өнгөрсөн жил төрөөс нөхөн олгожээ.

“Гэр хорооллын барилгажилт” хадгаламж зээлийн хоршооны эзэн Ц.Түмэнгэрэл 2006 онд Санхүүгийн зохицуулах хорооны дарга Д.Бадраагийн амь насыг хөнөөсөн тул 2007 онд цаазаар авахуулсан юм.